लेखनाथ। नेपाली कांग्रेसको तर्फबाट वडा नं ३० का वडा अध्यक्षका साझा उम्मेदबार दुर्गा प्रसाद सुवेदीले अवको समयमा विकासको बाढीलाई कोही कसैले पनि रोक्न नसक्ने बताएका छन् । उनले घरदैलो अभियानको क्रममा यस अघिका वडा समितिले पाँच वर्षे कार्यकाल गफ गरेरै विताएका हुँदा जनताले विकासको अनुभुति गर्न नपाएको आरोप लगाए।
पोखरा विश्वविद्यालय, लेखनाथ साना सहरी खानेपानी आयोजना, इलका प्रशासन कार्यलय, शिशुवा अस्पताल , प्रदेश स्तरीय सरुवा रोग अस्पताल सञ्चालनमा रहेर पनि वडा वासीले सेवासुविधाको महशुस गर्न नपाएको बताउँदै आगामी पाँच वर्षको विकास योजनामा स्वास्थ्य , शिक्षा, रोजगार र खानेपानीको ग्यारेन्टी आफ्नो नेतृत्वमा जनताले पाउने ठोकुवा गरे ।
गठबन्धन अन्तरगत नेपाली कांग्रेस, माओवादी केन्द्र र नेकपा समाजवादी मिलेर चुनाव जित पश्चात विकास र समृद्धिमा आफ्नो साझा घोषणा पत्र अनुसार काम गर्ने उम्मेदबारहरुले प्रतिबद्धता व्यक्त गरेका छन् ।
घरदैलो अभियानका क्रममा यस पटकको निर्वाचनमा गठबन्धनका साझा उम्मेदबारहरुलाई मतदान गर्ने बताए । वडा नं ३० मा नेपाली कांग्रेसका दुर्गा प्रसाद सुबेदीको नेतृत्वमा लक्ष्मी परियार, सन्जु पुन अर्याल, विनोद लामिछाने र मंगलकाजी मानन्धर चुनावी मैदानमा छन ।
प्रतिक्रिया लेख्नुहोस्:-