Play

कांग्रेसले राष्ट्रिय मुद्धा सधै जित्ने तर चुनाव हार्ने अवस्था देखिनु दुर्भाग्य-नेता खतिवडा

गुरुकुल खबर


पोखरा, । नेपाली कांग्रेसका केन्द्रीय सदस्य एवं संविधान सभा सदस्य रामहरि खतिवडाले देशमा सधै कांग्रेसको नीतिले जितेको बताउनुभएको छ । कांग्रेस युवा नेता खतिवडाले राष्ट्रिय मुद्धा सधै जित्ने तर चुनाव हार्ने अवस्था कांग्रेसमा देखिनु दुर्भाग्य हो भन्दै यस पटकको निर्वाचनमा नेपाली कांग्रेस हार्ने छुट नरहेको स्पष्ट पार्नुभयो ।

नेपाली कांग्रेस पोखरा महानगर कार्यसमिति कास्कीले प्रकाशन गरेको २०७९ सालको क्यालेन्डरको लोकार्पण गर्दै नेता खतिवडाले सूचना दिने यन्त्र क्यालेन्डर मात्र नभई, देश र जनता अनि हाम्रो भविष्य जोडिएको नया साल भएको उल्लेख गर्नुभयो । वहांले अब आउने नया वर्ष २०७९ साललाई नेपालको ऐतिहासिक वर्ष नेपाली कांग्रेसले नै बनाउने भएकाले जनतालाई यसको महत्व बुझाउन सक्नुपर्ने बताउनुभयो ।

कांग्रेसले मात्र सबैलाई समेट्न सक्ने भएकोले कांग्रेसले मात्र देश र जनताको भलो गर्न सक्ने वहाको धारणा थियो । दुई तिहाईको दम्भ र ओलीको अहंकारले फसाएको देशलाई उतार्ने जिम्मा नेपाली कांग्रेसको कांधमा आएकाले मत माग्दा समेत ध्यान दिन पार्टी कार्यकर्तालाई केन्द्रीय सदस्य खतिवडाले निर्देशन दिनुभयो ।  कार्यक्रममा  केन्द्रीय सदस्य खतिवडाले चुनावमा रुख़ चिन्हमा मत नहाल्ने अनि निष्क्रिय बस्ने कार्यकर्ता नेपाली कांग्रेसको हुन नसक्ने स्पष्ट पार्नुभयो ।

नेता खतिवडाले कांग्रेस सहितको गठबन्धन बाध्यताका बीच भएको बताउँदै गठबन्धनकै नाममा नेतृत्वले कांग्रेसलाई पछाडी पार्ने छुट नभएको समेत उल्लेख गर्नुभयो ।

कार्यक्रममा नेपाली कांग्रेस कास्कीका सभापति किशोरदत्त बरालले नेपाली कांग्रेसका उमेदवारलाई जिताउन सबै गम्भिर बन्नुपर्ने बताऊँदै कास्की कांग्रेसले पार्टीमा गरेको योगदान अनि उनिहरुको योग्यता र क्षमतालाई हेरेर उमेदवार टुंगो लगाउने बताउनुभयो।

सत्ता साझेदार दलहरु संगको गठबन्धन र आसन्न निर्वाचनमा हुने चुनावी तालमेल कांग्रेसका स्थानीय नेता र कार्यकर्ताको भावना अनुसार नै हुने सभापति बरालको भनाई थियो ।

क्यालेण्डर लोकार्पण तथा नया वर्ष २०७९ को अवसरमा आयोजित शुभकामना आदान-प्रदान कार्यक्रमको सभापतित्व महानगर समितिका सभापति सुरेन्द्र मान विजुक्क्षेले गर्नुभएको थियो । वहांले चुनावमा तालमेल भएपनि पोखराको मेयर पदमा नेपाली कांग्रेसको दावी रहने बताउनुभयो ।

महानगर समितिका सचिव टुवराज बास्तोलाले सञ्चालन गरेको कार्यक्रममा नेका गण्डकी प्रदेश समितिका प्रबक्ता माधवप्रसाद बास्तोला ‘मधु’, नेपाली लेखक संघका कन्द्रीय अध्यक्ष तीर्थ श्रेष्ठ, नेपाल महिला संघ पोखरा महानगर समितिका सभापति माया बराल, महानगर समितिका उपसभापति एवं क्यालेण्डर प्रकाशन समितिका संयोजक भवसागर बराल लगायतले भनाई राख्नुभएको थियो ।

नेपाली कांग्रेस पोखरा महानगर समितिले प्रकाशन गरेको उक्त क्यालेण्डर प्रकाशन समितिका सदस्यहरुमा संजय आले , संघर्ष कोईराला, अम्बिका ढुंगाना , रबीन्द्र बराल र अमृत श्रेष्ठ तथा सल्लाहकारहरुमा सुरेन्द्र बिजुक्क्षे , गंगाधर पराजुली र दिनेश बांस्तोला रहनुभएको छ ।

२६ चैत्र २०७८, शनिबार २२:५१ मा प्रकाशित
Nabintech

सूचना तथा प्रसारण विभाग
दर्ता नम्बर : ३११६-२०७८/७९

प्रेस काउन्सिल नेपाल
सुचिकरण नम्बर : ३१४६-२०७८/७९

कम्पनी रजिष्ट्रारको कार्यालय
कम्पनी दर्ता नं. : १७६६५४-२०७४/७५

आन्तरिक राजश्व विभाग
स्थायी लेखा नम्बर : ६०६८६९२०१

गोल्डेन मिडिया ग्रुप प्रा.लि.
गुरूकुल खवर डट कम

प्रधान कार्यालय
पोखरा महानगरपालिका -०५ धवलमार्ग, जिरो किमी, कास्की, गण्डकी प्रदेश

सम्पर्क नम्बर
०६१५७२२२२ कार्यालय
९८२०७०३४४८ विज्ञापन / ९८५६०२२३३२ समाचार

ईमेल
[email protected]
[email protected]

Follow us :
अध्यक्ष/प्रधान सम्पादक :
गंगाधर पराजुली
निर्देशक :
ऋषिराम काफ्ले
सह सम्पादक :
शिराेमणि बराल
प्रतिनिधि :
अर्जुन ओझा