Play

तनहुँमा सवारी दुर्घटना एकको मृत्यु, एक घाईते

गुरुकुल खबर


पोखरा । आइतबार साँझ  सवारी दुर्घटना हुँदा तनहुँमा एक युवकको ज्यान गएको छ । मृत्यु हुनेमा १८ वर्षीय रोशन गुरुङ रहेका छन् । 

दुर्घटनामा गम्भीर घाइते भएका गुरुङको दमौली अस्पतालमा उपचारका क्रममा मृत्यु भएको हो । दुर्घटनामा मोटरसाइकलको पछाडि सवार व्यास १० दुम्सीचौरका १८ वर्षका रोशन घर्ती घाइते छन् । उनको पोखरास्थित मणिपाल शिक्षण अस्पतालमा उपचार भइरहेको र अवस्था गम्भीर रहेको बताइन्छ । 

प्रहरीका अनुसार आइतबार साँझ ६ बजे तनहुँको गल्वुवेशीमा गाडी र मोटरसाइकल एकापसमा ठक्कर खाँदा दुर्घटना भएको हो । ब्यास नगरपालिका वडा नं. १ गल्वुवेशीमास्थित भित्रि सडकमा को१ध ४० नम्वरको नेपाल विद्युत प्राधिकरणको गाडी र ग२१प ४९३६ नम्वरको मोटरसाइकल एकआपसमा ठक्कर खाँदा दुर्घटना भएको र सो दुर्घटनामा गुरुङको मृत्यु भएको तनहुँ प्रहरी प्रवक्ता एवं डिएसपी युवराज तिमिल्सिनाले जानकारी दिए ।

डिएसपी तिमिल्सिनाका अनुसार दुर्घटना पश्चात् मोटरसाइकल, गाडी र गाडी चालकलाई नियन्त्रणमा लिएर अनुसन्धान कार्य शुरु गरिएको छ । 

१४ कार्तिक २०७८, आईतवार २२:०८ मा प्रकाशित
Nabintech
  • सुचना विभाग दर्ता न. : ३११६-२०७८/७९
  • गोल्डेन मिडिया ग्रुप प्रा.लि. द्वारा संचालित
  • कार्यालय : पोखरा -०५, गण्डकी प्रदेश, कास्की
  • सम्पर्क नं. : 061-531533 / 9856022332
  • इमेल : [email protected]
Follow us :
अध्यक्ष/प्रधान सम्पादक :
गंगाधर पराजुली
निर्देशक :
ऋषिराम काफ्ले
सम्पादक :
रिता गुरूङ
सह सम्पादक :
शिराेमणी बराल
प्रतिनिधि :
अर्जुन ओझा