नेपाली कांग्रेसको प्रवास स्थित निकाय नेपाली जनसम्पर्क समिति कतारको पाँचौ राष्ट्रिय अधिवेशनले सभापतिमा मोहम्मद अजिज अलिलाइ निर्बिरोध निर्वाचित गरेको छ l

नेपाली कांग्रेसका उपसभापति बिमलेन्द्र निधिको प्रमुख आतिथ्यतामा सम्पन्न उक्त अधिवेशनका बिशिष्ठ अतिथिहरु कांग्रेस महामन्त्री डा. शशांक कोईराला ,केन्द्रीय सदस्य अर्जुन नरसिंह केसी, केन्द्रीय सदस्य एनपी साउद,नेपाली राजदुताबास कतारका दित्तीय सचिव प्रविन भट्टराई, जनसम्पर्क समिति समन्वय बिभाग प्रमुख गोबिन्द भट्टराइले सम्बोधन गर्नु भएको थियो l

भर्चुअल मार्फत गरिएको अधिवेशनको उद्घाटन  कार्यक्रममा बोल्दै प्रमुख अतिथि निधिले जनसम्पर्क समिति कतारले  कोभिड १९ को प्रतिकुल अवस्थामा पनि प्रबिधि मार्फत अधिवेशन भव्यरुपमा सम्पन्न गर्न सकिन्छ भन्ने उदाहरण पेस गरेको भन्दै अन्य जनसम्पर्क समितिहरुले पनि यी विधिबाट यथासक्य अधिवेशनहरु सम्पन्न गर्न सुझाउनु भएको थियो l

कार्यक्रमको दौरान चितवनमा रहनुभएका महामन्त्री कोइरालाले चितवन एयरपोर्टबाटनै जुम भिडियो कल गरि अधिवेशन सफलताको शुभकामना दिनुभएको थियो अर्जुन नरसिंह केसी एनपी साउद लगायतका केन्द्रीय नेताहरुले सम्बोधनका क्रममा जनसम्पर्क समिति कतारले प्रबिधि मार्फत गरेको भब्य अधिवेशनले आफुहरु जनसम्पर्क समिति कतारको दोश्रो अधिवेशनमा भौतिक रुपमा कतारमा उपस्थित भएको स्मरण ताजा गराएको भन्दै खुशी व्यक्त गर्नु भएको थियो l

कार्यक्रममा नेपाली दुताबासका दित्तीय सचिवले बर्तमान कोभिड १९ को अवस्था कतार सरकार र स्वास्थ्य संगठनको निर्देशित कानुनको दायरामा रहेर नेपाली समुदायले आफ्ना गतिबिधि गर्नु पर्ने भन्दै जनसम्पर्क समितिले त्यहि दायरामा रहेर आफ्नो अधिवेशन गर्न सफल भएकोमा खुशी व्यक्त गर्नु भएको थियो l जनसम्पर्क समिति कतारका अधिवेशन प्रतिनिधिहरु र विश्वभरिका जनसम्पर्क समितिका सभापतिहरु , दोहाका बैचारिक संस्थाका प्रमुख एनआरएनए ,आइसीसी र एनसीसी पत्रकार महासंघ र सामाजिक संस्थाका प्रमुखहरु भर्चुअल कार्यक्रममा जोडिएका थिए l

कार्यक्रमको बन्द सत्रबाट सभापति अजिज अलि सहित उपसभापतिहरुमा ठाकुर कुमार परियार, राम कुमार मण्डल र अर्जुन चापागाई महामन्त्रीमा केदार भुसाल र अबु अलि सहमहामन्त्रीमा भोजबहादुर साउद र खगेन्द्र खनाल कोषाध्यक्षमा केदार शर्मा सहकोषाध्यक्षमा महेश्वर मण्डल निर्बिरोध निर्वाचित भएका छन त्यसै गरि समितिको सदस्यहरुमा शिवराज गौतम,रामेश्वर मण्डल, छबिलाल भट्टराइ, तिलकराम घिमिरे, अनुप जोरा, वाहिद अलि, दिपजंग शाह, कृष्ण पन्थी, मो. इन्दाज आलम, बसन्तराज पुरी, प्रेम चलाउने, रामु रेग्मी, कलाउद्दीन नदाफ र ईशिलाल पण्डित रहेका छन त्यसै गरि प्रदेश नम्बर २ को संयोजक शेख हनिफ मिया ३ को संयोजक डेग बहादुर भारती ४ को बिकाश भुजेल ५ को कृष्ण शाह ७ को नरेश जैसी रहेका छन l

अधिवेशनले नेपाली कांग्रेसको १४ औ महाधिवेशनका लागि ३ महासमिति सदस्य र ४ महाधिवेशन प्रतिनिधिहरु पनि निर्वाचित गरेको छ सभापति अजिज अलि (पदेन) सहित संस्थापक सभापति नरेन्द्र भाट र संस्थापक महामन्त्री बिमल सुवेदी महासमिति सदस्य रहेका छन भने महाधिवेशन प्रतिनिधिहरुमा क्रान्ति सिंह, शंकर न्यौपाने, प्रविन गुरुङ र राजु रेग्मी (राज) रहेका छन l