पोखरा । कास्की क्षेत्र नं १ प्रतिनिधि सभा सदस्य उम्मेद्वार किशोरदत्त बरालले जनमतको उच्च कदर गर्दै सेवामा खटिरहने प्रतिवद्वता व्यक्त गरेका छन् ।

मतदातालाई झुटो आश्वासन नदिई आफुले सक्दो प्रतिवद्धता मात्र जनाउने र सधै जनपक्षिय काम गर्ने उनले बताए । नेपाली कांग्रेस कास्कीका सभापति एवं ५ दलिय गठबन्धनका साझा उमेदवार समेत रहेका बरालले शुक्रबार पोखरा २९ मा घरदैलो र मतदातासँग भेटघाट गर्ने क्रममा शिक्षा, स्वास्थ्य, रोजगारीलाई प्राथमिकता दिदै भूमिहीन सुकुम्बासीलाई लालपूर्जा उपलब्ध गराउन प्रयास गर्ने बताए ।

‘आज मात्रै होइन, भोलि पनि भेटिनुपर्छ उनले भने – झुटो नबोलि जनताले प्राथमिकताका आधारमा तय गरेका योजना नै मेरा योजना हुन्।’ पाँच दलीय गठबन्धनका साझा उम्मेद्वार बरालले गठबन्धन दलले संघ र प्रदेशमा सरकार बनाएमा काम गर्न सजिलो हुने भन्दै गठबन्धनका उम्मेद्वारलाई विजयी गराउन आग्रह गरे ।

गठबन्धन राम्रो र प्रभावकारी हुँदा चुनाव जित्ने वातावरण बनेको विश्वास व्यक्त गर्दै बरालले सीपमूलक शिक्षा र उद्यमशीलतालाई विशेष जोड दिदै आएका छन् ।