पोखरा । नेपाली काँग्रेस पोखरा महानगरपालिकाको नगर सभा आगामी शनिबार हुने भएको छ ।
विधानमा प्रत्येक एक वर्षमा नगर सम्मेलन गर्नु पर्ने रहेकोमा वर्तमान कार्यसमितिले पहिलो पटक नगर सम्मेलन गर्न लागेको हो ।
सम्मेलन सफल पार्न नेपाली काँग्रेस पोखरा महानगरका उपसभापति भवसागर बराल संयोजक रहेको उपसमिति गठन गरिएको छ । उक्त उपसमितिमा सदस्यहरु रविन्द्र बराल, अम्बिका ढुंगाना, शेरबहादुर कार्की, रामचन्द्र शर्मा र प्रिति पाण्डे रहेका छन् ।
सम्मेलनमा कोषाध्यक्षको आर्थिक प्रतिवेदन र सचिवको सांगठनिक तथा वार्षिक प्रतिवेदन प्रस्तुत गरिने प्रवक्ता धनञ्जय पौडेलले गुरुकुल खबरलाई जानकारी दिए ।
यसैबीच बुधबार नेपाली काँग्रेस पोखरा महानगरसमिति सभापति सुरेन्द्रमान विजुक्छेको अध्यक्षतामा बसेको कार्य सम्पादन समितिको बैठकले नगर सम्मेलन सफल पार्न नगर समितिका सदस्यहरुको सक्रियताको आवश्यकता औल्याइएको थियो ।
सम्मेलनमा नेपाली काँग्रेसका पोखरा महानगर क्षेत्रभित्रका ३३ वटा वडाका क्रियाशिल सदस्यहरु, महासमिति सदस्य, महाधिवेशन प्रतिनिधिहरुलाई सहभागिताकालागि आव्हान गरिएको छ ।
