पोखरा । सिद्ध पब्लिक कलेज पोखरा १५ को तेस्रो अधिवेशन सम्पन्न भएको छ।
अधिवेशनले युवा पण्डित कमल नयन गौतमको अध्यक्षतामा नयां कार्यसमितिको चयन गरेको छ।
कार्यसमितिको उपाध्यक्षमा प्रमुख संरक्षक भक्तबहादुर खत्री, कोषाध्यक्षमा प्रमुख संरक्षक शिवबहादुर बानियां, वरिष्ट सदस्यमा संरक्षक मिनबहादुर गिरी रहेका छन। सदस्यहरुमा तोरणबहादुर बानियां र सिनेटर सदस्य प्रकाश पौडेल रहेका छन् ।
कलेज सञ्चालक समितिका अध्यक्ष मिनबहादुर गिरीको अध्यक्षता र वडा नं १५ का वडाध्यक्ष तोरण बहादुर बानियाँको प्रमुख आतिथ्यतामा कार्यक्रम सम्पन्न भएको थियो ।
कार्यक्रममा नवनिर्वाचित अध्यक्ष युवा पंडित कमल नयन गौतम, पब्लिक क्याम्स संघ गण्डकी प्रदेशका उपसंयोजक तथा कालिका बहुमुखी क्याम्पसका क्याम्पस प्रमुख बिरन्जी गौतम, सञ्चालक समितिका उपाध्यक्ष तथा प्रमुख संरक्षक भक्तबहादुर खत्री, प्राध्यापकहरुको तर्फबाट पबित्रमणी भण्डारी र श्री सिद्ध मा.वि.का प्रधनाध्यापक गुरुदत्त कोइरालालगायतले आ आफ्नो भनाई राखेका थिए ।
प्रमुख संरक्षक तथा भवन निर्माण समितिका संयोजक शिवबहादुर बानियां ले भवन निर्माण सम्बन्धि प्रतिवेदन प्रस्तुत गरेका थिए भने क्याम्पस प्रमुख भिमराज पुनले क्याम्पसको यस वर्षको प्रतिवेदन प्रस्तुत गरेका थिए ।
