पोखरा । लायन्स क्लव अफ पोखरा हिमालयनले पोखरा महानगरपालिका वडा नं २२ को खाल्से दोबाटेमा सार्वजनिक शौचालय निर्माण गरेको छ ।
६० हजार रुपैयाको लागतमा निर्माण गरिएको उक्त शौचालयबाट करिव एक हजार पाँच सय जना स्थानियहरु लाभान्वित हुने क्लवका अध्यक्ष अशोक गुरुङले गुरुकुल खबरलाई जानकारी दिए ।
स्थानीय क्षेत्रमा निर्मित क्षेत्री समाजको बहुउद्देश्यीय भवन नजिक निर्माण गरिएको उक्त शौचालयबाट स्थानीय बासिन्दासंगै क्षेत्री समाजको भवनमा कार्यक्रम गर्न आउनेहरु लाभान्वित हुनेछन् ।
यसैबीच शनिबार आयोजित एक कार्यक्रममा शौचालय भवन क्षेत्री समाजलाई हस्तान्तरण गरिएको छ ।
लायन्स क्लव अफ पोखरा हिमालयनका अध्यक्ष अशोक गुरुङले सार्वजनिक शौचालयको निर्माणले सरसफाई र वातावरण संरक्षणमा मात्र नभएर स्थानीय बासिन्दालाई सुविधा पुग्ने बताउँदै अन्य सामाजिक कामका लागि पनि क्लवले सहयोग गर्न तयार रहेको बताए ।
गुरुङको अध्यक्षतामा भएको कार्यक्रममा शौचालय निर्माण समितिको अध्यक्ष आशबहादुर बराल क्षेत्री, क्लवका प्रथम उपाध्यक्ष नविन नापित र क्लवका सचिव ई.पुर्णबहादुर गुरुङ लगायतले आ आफ्नो भनाई राखेका थिए ।
शौचालय निर्माणमा स्थानीयहरुले बासिन्दाले १० हजार रुपैयाँ बराबरको श्रमदान गरेका थिए ।
