पोखरा । पोखरा महानगरपालिकाका मेयर धनराज आचार्यले पोखरा महानगरपालिको वेबसाइट मार्फत सम्पत्ति विवरण सार्वजनिक गरेका छन् ।
मेयर आचार्यले आफ्नो र श्रीमतीको नाममा रहेको सम्पत्ति विवरण सार्वजनिक सार्वजनीक गरेका हुन् ।
मेयर आचार्यसँग ४३ करोड ६१ लाख ४५ हजार ६१६ रूपैयाँ बराबरको सम्पत्ति भएको उल्लेख छ । २ करोड ८५ लाख रूपैयाँ बैंक, वित्तीय कोष, नातेदार र मित्रसँग २ करोड ८५ लाख रुपैयाँ ऋण लिएको उल्लेख गरेका छन् ।
ऋण घटाउँदा उनीसँग खुद सम्पत्ति ४० करोड ७६ लाख ४५ हजार ६१६ रूपैयाँ रहेको आचार्यको सम्पत्ति विवरणमा उल्लेख छ ।
विभिन्न कम्पनीमा सेयर र लगानी गरेर २५ करोड ९९ लाख ४५ हजार ६१६ रूपैयाँ रहेको उल्लेख गरेका छन् । उनको सबै भन्दा बढि शेयर जलविद्युत आयोजनामा रहेको छ ।
त्यसै गरी पोखरामा ३ करोड ५० लाख पर्ने जग्गा र दोलखाको हेवामा उनकै नाममा ८७ लाख पर्ने जग्गा छ । उनले दुई करोड मूल्य बराबरका ४ वटा गाडी र ३ वटा स्कुटर आफूसँग रहेको उल्लेख गरेका छन् । उनी सगँ नगद मौजात १५ लाख रूपैयाँ रहेको जनाएका छन् ।
पोखरा– ९ नयाँ बजारमा श्रीमती पुष्पकुमारी पौडेलका नाममा ९ करोड २५ लाख मूल्य बराबरको दुई वटा घर, काठमाडौंको सितापाइलामा श्रीमतीकै नाममा एक करोड ८५ लाख मूल्य बराबरको एउटा घर रहेको छ ।
मेयर आचार्यसँग ५४ तोला सुन, ३८ तोला चाँदी र ५ तोला हिरा रहेको उल्लेख गरेका छन् । उनले बावुको नाममा रहेको सम्पत्ति समावेश नगरेको जनाएका छन् ।
