पोखरा । तमु प्ये ल्हु संघ जिल्ला कार्य समिति कास्की र तमु प्ये ल्हु संघ जिल्ला महिला समिति कास्कीका कार्य समिति सदस्यहरु दुईदिने ल्वाङ गाउँ र अन्नपूर्ण अर्गानिक टि तथा ल्वाङ टि स्टेटको अध्ययन अवलोकन भ्रमण सम्पन्न गरी पोखरा फर्किएका छन् ।
अध्ययन अवलोकन भ्रमणमा निस्किएका कार्य समिति सदस्यहरुले पहिलो दिन ल्वाङ गाँउको संस्कार संस्कृतिका साथै पर्यटन व्यवसायको अध्ययन अवलोकन गरेका थिए ।
दोश्रो दिन ल्वाङ गाउँको चिया बगान र बगानमा उत्पादित चियाको प्रशोधन र बजार सम्बन्धी कुराहरूको अध्ययन अवलोकन गरेका थिए ।
उक्त चिया बगानमा उत्पादित चिया नेपाल देश भित्र र बाहिर बिदेशमा बिक्री हुने अन्नपूर्ण अर्गानिक टि तथा ल्वाङ टि स्टेट प्रालिका संचालक एवं तमु प्ये ल्हु संघ केन्द्रिय अध्यक्ष हितकाजी तमुले जानकारी दिए ।
ल्वाङ गाँउ शहीद हरी गुरुङ जन्मेको गाऊँ हो भने पहिलो गुरुङ प्रहरी महानिरिक्षक हेमबहादुर गुरुङ पनि जन्मेको गाऊँ हो ।
