पोखरा । पोखरा महानगरपालिका वडा नं १० को १३ सय मत गणना गर्दा नेपाली काँग्रेसका वडाध्यक्ष पदका उम्मेदवार राजेश गुरुङले अग्रता बनाइरहेका छन् ।
उम्मेदवार गुरुङले नेकपा एमालेका उम्मेदवार पवित्रदेवी गुरुङलाई ३ सय २४ मतले पछि पारेका छन् । गुरुङले ७ सय ४ मत प्राप्त गरेका छन् भने पवित्रदेवीले ३ सय ८० मत ल्याएकी छिन् ।
नेपाली काँग्रेसका महिला सदस्य पदका उम्मेदवार नरदेवी गुरुङले ६ सय ४८, दलित महिला सदस्य सुनीमाया नेपालीले ६ सय ४९, खुल्ला सदस्य परमेश्वरबहादुर कार्कीले ६ सय २७ र अर्का खुल्ला सदस्य पूर्णचन्द्र न्यौपानेले ६ सय १७ मत प्राप्त गरेका छन् ।
वडाध्यक्ष पदका उम्मेदवार राजेश गुरुङसहित सदस्यका उम्मेदवारहरु सबैले ३ सय भन्दा बढी मतको अग्रता लिईरहेको नेपाली काँग्रेस वडा ईकाई समिति सचिव उदिम गुरुङले जानकारी दिए ।
मतगणनाको सुरुवातीबाट नै काँगे्रसका उम्मेदवारहरुले अग्रता लिईरहेकोेले विजय प्राप्त गर्नेमा आफुहरु ढुक्क रहेको सचिव गुरुङको भनाई छ ।
जम्मा ३ हजार ४ सय ७५ मत खसेको वडा नं १० मा अब २ हजार १ सय ७५ मत गन्न बाँकी छ ।
