पोखरा, रसुवाको भोटेकोसीमा आएको आकस्मिक बाढीका कारण ज्यान गुमाएकाहरूप्रति श्रद्धाञ्जली अर्पण गर्दै पोखरामा क्रियाशील रोटरी क्लबहरूले संयुक्त रुपमा श्रद्धाञ्जली सभा एबम दीप प्रज्वलन कार्यक्रम गरेका छन। पोखराको शहीद चोकमा आयोजित कार्यक्रममा रोटरी डिस्ट्रिक्ट ३२९२ का निवर्तमान डिस्ट्रिक्ट गभर्नर विनोद प्रसाद कोइरालाले रोटरी संस्था सुख–दुःखमा सदैव समाजको साथमा रहँदै आएको बताए ।
विपद्को अबस्थामा सबै रोटरियनहरू सक्रियतापूर्वक राहत, उद्धार तथा सहयोगका कार्यमा जुट्नुपर्नेमा बताउंदै उनले रोटरी डिस्ट्रिक्टले पनि सबै रोटरी क्लबहरूलाई एकाकार भएर विपद् प्रभावितहरूको सहयोगमा अघि बढ्न अनुरोध गरेको जानकारी गराए।
कार्यक्रमका संयोजक तथा रोटरी क्लब अफ पोखरा भ्यालीका अध्यक्ष नवीनराज बरालले कार्यक्रममा सहभागी रोटरियनहरूप्रति आभार प्रकट गर्दै रोटरी संस्था सुख र दुःख दुवै अवस्थामा समाजका नागरिकको साथमा रहने स्पष्ट पारे। कार्यक्रममा पोखरामा क्रियाशील ११ वटा रोटरी क्लबका सदस्यहरुको उल्लेख्य सहभागिता रहेको थियो।
यसैगरी विश्व हिन्दु परिषदले पोखराको केदारेश्वर मन्दिर, पोखराको चिप्लेढुंगा बिपी चोक र लेखनाथको ग्रीनपार्कमा दीप प्रज्वलन कार्यक्रम आयोजना गर्यो विश्व हिन्दु परिषद गण्डकी प्रदेश समिति र जिल्ला समितिको आयोजनामा उक्त कार्यक्रम गरिएको हो।
परिषद्का गण्डकी प्रदेशका अध्यक्ष रामचन्द्र पौडेलको नेतृत्वमा केदारेश्वर मन्दिरमा, परिषद्का उपाध्यक्ष इन्दिरा कोइराला र जिल्ला अध्यक्ष लेखनाथ खनालको नेतृत्वमा चिप्लेढुंगामा र महिला समितिका संयोजक बिष्णु सुबेदी लगायतको नेतृत्वमा लेखनाथको ग्रीनपार्कमा दीप प्रज्वलन गर्नुको साथै श्रद्दान्जली प्रकट गरिएको बताइएको छ ।
