बिरगंज, सुनसरीको देवानगञ्जमा भएको झडपको घटनापछि तराईका बिभिन्न जिल्लामा समेत प्रदर्शन र झडप हुँदा सिराहामा एक जनाको ज्यान गएको छ भने तोडफोड र आगजनी समेत भैरहेको छ। बिहीबार सुनसरी, धनुषा र सिरहामा दुई पक्षबीच भएको तनावका क्रममा सिराहामा दुई युवकलाई गोली लाग्दा एकजनाको मृत्यु भएको र अन्य कतिपय घाइते भएका छन। यस अगाडी सुनसरीमा प्रहरीको गोली लागेर दुई जनाको मृत्यु भैसकेको छ ।

सुनसरीमा भएको झडपपछि अन्य जिल्लामास अमेत भएको झडपमा प्रहरीको गोली लागेर तीनजनाको मृत्यु भैसकेको छ भने दर्जनौं घाइते भएका छन।  सुनसरीको घटनालाई लिएर सिराहाको गोलबजारमा बिहीबार बिहानैदेखि तनाव सुरू भएको थियो । बिभिन्न जिल्लामा प्रदर्शन चर्किएपछि बिहीबार सुनसरी, धनुषा र सिरहामा स्थानीय प्रशासनले कर्फ्यु लगाएको छ ।

गोलबजारमा भएको झडपको क्रममा सिरहाको तुलसीपुरका २० वर्षीय गणेश यादव र धनुषाको धारापानीका १९ वर्षीय सुभाष ठाकुरलाई प्रहरीको गोली लागेकोमा गणेश साहको मृत्यु भएको समाचार केहि संचारमाध्यमबाट समेत सार्बजनिक भैसकेको छ। उनीहरुलाई प्रहरीको गोली लागेपछि प्रदर्शनकारीहरूले स्थानीय एबी मलमा आगो लगाइदिएका थिए।

सिराहाका सहायक प्रमुख जिल्ला अधिकार चेतराज बरालका अनुसार घाइतेमध्ये गणेश साहको मृत्यु भइसकेको र सुभाषलाई गोलबजारमा प्राथमिक उपचारपछि थप उपचारका लागि धरान रिफर गरिएको र उनको अवस्था पनि गम्भीर रहेको बुझिएको छ ।

सिराहाको गोलबजार र लाहान क्षेत्रमा कर्फ्यु आदेश 

सिरहाको गोलबजार र लहान क्षेत्रमा जिल्ला प्रशासन कार्यालय सिरहाले अनिश्चितकालीन कर्फ्यु आदेश जारी गरेको थियो । लहानमा पनि तनाव बढेपछि अपरान्हदेखि त्यहाँ पनि कर्फ्यु जारी गरिएकाे छ ।  जिल्लाको सुरक्षा अवस्थाको विश्लेषण गर्दै पूर्व-पश्चिम राजमार्गको गोलबजार नगरपालिका-३ स्थित कसहा खोलादेखि पश्चिमतर्फ चोहर्वा चोकसम्म, उत्तरतर्फ वडा – ६ को सैनिक चोकदेखि दक्षिणतर्फ वडा ४ को क्याम्पस वरिपरिको क्षेत्रमा कर्फ्यु लागू गरिएको प्रमुख जिल्ला अधिकारी सुरेन्द्र पौडेलले जानकारी दिए । गोलबजारमा बिहीबार बिहानैदेखि तनाव भएपछि जिल्ला प्रशासन कार्यालयले स्थिति नियन्त्रणमा लिन गोलबजारमा प्रहरीले २० राउन्डबढी अश्रुग्यास प्रहार गरेको थियो ।

धनुषाका तीनवटा पालिकामा कर्फ्यु आदेश