पोखरा, रोटरी क्लब अफ पोखरा न्युरोडले पोखरा महानगरपालिका -१५ नयाँगाउँमा पुनर्स्थापना केन्द्रको रुपमा संचालित ‘आशा भवन’ मा नगद तथा खाधान्न सहयोग गरेको छ।  उक्त पुनर्स्थापना केन्द्रमा लागु औषधको दुर्व्यसनमा फँसेका व्यक्तिहरुलाई दुर्व्यसनबाट मुक्त गर्नको लागि निशुल्क रुपमा आबश्यक सेवा र उपचार दिने गरिएको छ उक्त केन्द्रमा हाल करिब २५ जना रहेको बुझिएको छ ।

न्युरोड रोटरी क्लबले उक्त पुनर्स्थापना केन्द्रमा २८ हजार ३६० रुपैया नगद र करिब १४ हजार रुपैया बराबरको खाधान्न र कपडा सहयोग स्वरूप हस्तान्तरण गरेको क्लबका अध्यक्ष राजकुमार गुरुङले गुरुकुल खबरलाई जानकारी दिए ।

सहयोग हस्तान्तरण कार्यक्रममा बोल्दै क्लबका संस्थापक अध्यक्ष रबिप्रसाद बरालले बिकृति विसंगती मुक्त समाज बनाउनुपर्ने आबश्यकतामा जोड दिंदै क्लबले मानवीय सहयोगका अतिरिक्त बाताबरण संरक्षणको क्षेत्रमा पनि रचनात्मक काम गर्दै आएको बताए ।

क्लबका अध्यक्ष गुरुङको अध्यक्षतामा सम्पन्न कार्यक्रममा सहयोग हस्तान्तरण कार्यक्रमका संयोजक अब्राहम खान र आशा भवन नेपालका निर्देशक जेग्मी शेर्पा लगायतले आआफ्नो भनाई राखेका थिए भने कार्यक्रमको संचालन क्लबका सचिब बर्षाकेशव पराजुलीले गरेको थिए।