काठमाडौँ, नेपाली काँग्रेसका नेता एबम पार्टीको १४ औं महाधिबेशनबाट निर्बाचित केन्द्रीय समितिका सदस्य मिन बिश्वकर्माले नेपाली काँग्रेसले निर्बाचनबाट प्राप्त गरेको परिणामलाई लिएर एक अर्कालाई दोषारोपण गर्ने, पार्टीका साथीहरूलाइ गालीगलौच गर्ने र आत्मरतिमा रमाउने हो भने पार्टीभित्र द्वन्द्व र विवाद बढ्दै जाने बताएका छन। उनले एकअर्कालाई गालिगलौच गर्ने संस्कार र शैली हामी कांग्रेसीको नहुने र अर्का पार्टीका कार्यकर्ता एबम समर्थकले गरेको हुनसक्ने भन्दै त्यसलाई स्वभाविक ठानेको बताएका छन।
१४ औं महाधिबेशनपछि बनेको केन्द्रीय समितिको सूचना, संचार तथा प्रचार बिभागका संयोजक समेत रहेका विश्वकर्माले नियमित र बिशेष महाधिबेशनको नाममा पार्टी भित्र द्वन्द चलेको बेला पार्टी एकताको पक्षमा लागेर सवैलाई रूख चिन्हमा गोलबद्द गर्न भूमिका खेलेको र अव पार्टीको बृहत्तर एकताका लागि पुन लागिरहने प्रतिबद्दता समेत व्यक्त गरेका छन।
सामाजिक संजाल फेसबुक मार्फत उनले भनेका छन, “बिभिन्न संचार माध्यममा मैले ब्यक्त गरेको पार्टी सम्बन्धि तथ्यगत धारणामा फरक र आपत्तिजनक टिप्पणी गरेको पाएको छु। म हिजो पनि तोकिएको समयमा नियमित महाधिबेशन हुनुपर्छ भन्ने पक्षमा थिए र नियमित महाधिबेशनको वकालत गर्दैगर्दा पनि बिशेष महाधिबेशन पक्षधर् नेताहरुसंग अन्तिम अबस्थासम्म पार्टीमा बिभाजन आउन नदिन निरन्तर प्रयास गरेको थिए।”
आँफुहरुले निरन्तर प्रयास गर्दा पनि बिशेष महाधिबेशन रोक्न नसकिएको र पार्टी सभापति, पदाधिकारी र केन्द्रीय समितिका करिब १ सय ३० जना नेताहरु बिशेष महाधिबेशनमा नगएको स्पष्ट पार्दै निर्वाचनको मुखमा पार्टी फुट्न नदिन अन्तिम प्रयास गर्ने क्रममा माघ ४ गते राती सामाजिक संजाल (फेसवुक) मा एकताको उपाय प्रस्तुत गरेको समेत स्मरण गराएका छन। त्यसपछि नेपाली काँग्रेस सोही बाटोमा अगाडी बढेको र निर्वाचनमा सौहार्दपूर्ण वातारणमा सहभागी भई आज पनि पार्टी सोही अवस्थामा रहेको उनको भनाइ छ।
कांग्रेस नेता बिश्वकर्माको भनाई जस्ताको त्यस्तै ..
आदरणीय साथीहरू जयनेपाल !
केही दिन पहिले संचार माध्यममा मैले व्यक्त गरेका हाम्रो पार्टी सम्वन्धी तथ्यगत धारणामा फरक फरक आपत्तीजनक टिप्पणी गरेको पाए ! यस्मा मेरो कुनै गुनासो छैन किन भने तत्कालिन अवस्थामा पार्टी एकताका लागि यसरी नै बोल्दा कुनै अर्को पक्षले यस्तै गुनासाहरू व्यक्त गर्नुहुन्थ्यो ! म विचलित भईन ! आज पार्टीले जे परिणाम प्राप्त गरेको छ, त्यसमा पनि एक अर्कालाई दोषारोपण गरेर पार्टीका साथीहरूलाइ गालिगलौच गरेर आत्मरतिमा रमाउन थाल्यौ भने हामी झन द्वन्द्व र विवादमा फस्दै जान्छौ ! वरू कसैको अभिव्यक्तिको अन्तर्य के हो वुझ्ने कोशिस गरौं !
१. म हिजो पनि विशेष होईन तोकिएको समयमा नियमित महाधिवेशन गर्ने पक्षमा अहोरात्र लागेको हो !
२. यसरी नियमित महाधिवेशनको वकालत गर्दैगर्दा विशेष महाधिवेशनमा गएका नेताहरूसंग एकछिन पहिले सम्म पनि विभाजित हुन नदिन अन्तिम प्रयास गरेको हुं !
३. तर विशेष महाधिवेशन रोक्न सकिएन, पार्टी सभापति, वहुमत पदाधिकारी केन्द्रीय समितिका करिव १३० जना नेताहरू विशेष महाधिवेशनमा जानु भएन !
४. सानेपा कार्यालयवाट महामन्त्रीहरूलाई कार्वाही गर्ने र विशेष माधिवेशनस्थलवाट मौजुदा कार्यसमिति भंग गर्ने जस्ता कार्यहरू भए !
५. माघ ६ गते प्रतिनीधि सभा सदस्यको मनोनयन पत्र दर्ता गर्नुछ ! २ गते हामी निर्वाचन आयोगमा आ-आफ्नो दावी र जिकिर गर्न पुग्यौ ! आयोगले विशेष महाधिवेशनलाई मान्यता दिएको निर्णय गर्यो !
६. माघ ३ गते शनिवार भएकोले आयोगको निर्णयमा चित्त नवुझाउने विद्यमान कार्यसमितिका पदाधिकारी सदस्यहरू कानूनी उपचारका लागि माघ ४ गते सर्वोच्च अदालत जानुभयो !
७. माघ ५ गते लोह्सार पर्वको विदा भएकोले सुनुवाई ६ गते मात्रै हुने भयो !
८. तसर्थ निर्वाचनको मुखमा पार्टी फुट्न नदिन फेरी अन्तिम प्रयास गर्ने क्रममा २०८२ माघ ४ गते राती मैले सामाजिक संजाल (मेरो फेसवुक) मा हिम्मतका साथ एकताको उपाय प्रस्तुत गरे ! तत्पश्चात पार्टी सोही वाटोमा हिड्यो निर्वाचनमा सौहार्दपूर्ण वातारणमा सहभागी भयौं र आज पनि पार्टी सोही अवस्थामा छ !
९. दुवै पक्षको दावी अदालतमा विचाराधिन रहेको अवस्थामा मैले पार्टीमा हाल दुई सभापति हुनुहुन्छ भन्नु झट्ट सुन्दा कुनै पक्षका कसैलाई अप्रीय लागे पनि अदालतको निर्णय नआए सम्म कानूनी, प्रविधिक र राजनैतिकरूपले त्यही नै सत्य हो !
१०. हामी कुनै पक्षमा नलागी एक पटक सोंच्ने हो भने दुवै पक्षको अस्तित्वलाई स्विकारेको हो ! जसले पार्टी एकताको मार्ग प्रसस्त गर्दछ ! जुन अहिलेको अपरिहर्यता हो !
११. जहांसम्म निर्वाचनको परिणामवारे कस्ले जिम्मेवारी लिने भन्ने वारेको मेरो अभिव्यक्ति फेरी दोहोर्याउछु ! पदिय हैसियत अनुसार सवैले लिनुपर्छ !
१२. रहयो फेसवुकमा गाली गलौच गर्ने कुरा…..त्यो संस्कार र शैली हामी कांग्रेसीको पटकै होईन अर्का पार्टीकाले गरेको होला भनि स्वभाविक ठानेको छु !
१३. एक निर्वाचनमा हार व्यहोर्दैमा ८० वर्षे अनुभव वोकेको कांग्रेस सकिदैन ! प्रक्रियामा सामोल भएपछि परिणाम स्विकार्नु पर्दछ ! हिजो जसरी पार्टी एकताको पक्षमा लागेर सवैलाई रूख चिन्हमा गोलवग्द्ध गर्न भूमिका खेले अव पार्टीको बृहत्तर एकताका लागि पुन लागिरहनेछु !
जयनेपाल ।।
