काठमाण्डौ असार १४ । नेपाली काँग्रेसका सभापति शेरबहादुर देउवाले प्रधानमन्त्री र राष्ट्रपति मिलेर संविधानका प्रावधान धुजाधुजा बनाएको आरोप लगाएकाछन् । सोमबार विभिन्न पेशागत क्षेत्रका प्रतिनिधिसँगको अन्तरक्रियामा पूर्व प्रधानमन्त्री समेत रहेका देउवाले सो आरोप लगाएका हुन् । 

प्रधानमन्त्री केपी शर्मा ओली र राष्ट्रपति विधादेवी भण्डारीले राष्ट्रपतीय संस्थाको गरिमा र मर्यादा राख्न नसकेको पनि बताए । उनले भने “राष्ट्रपतिले राष्ट्रपतिको गरिमा राख्न सकेन्न् ।” 

‘संविधानको ७६ को उपधारा ५ ले कुनै पनि संसदको सदस्यले बहुमतका आधार पेश गरे राष्ट्रपतिले प्रधानमन्त्रीमा नियुक्त गर्नुपर्ने व्यवस्था गरेको छ । त्यो आधार हामीले प्रस्तुत गरेपनि प्रधानमन्त्रीमा नियुक्त नगरेर उल्टै प्रतिनिधिसभा विघटन गरियो । यसले राष्ट्रपतिको गरिमा रहेन’ देउवाको भनाइ छ ।।