नेपाल पत्रकार महासंघका नवनिर्वाचित अध्यक्ष विपुल पोखरेल सहितको टोली संभावित ठुलो दुर्घटनाबाट जोगिएको छ ।
पोखरेल सहित महासंघको दाडं शाखाका अध्यक्ष दुर्गालाल केसी , शाखाका उपाध्यक्ष एवं प्रेस युनियन दांगका अध्यक्ष सन्तोष सुबेदी र सल्लाहकार सुदिप गौतम चढेको गाडीलाई स्कर्पियो गाडीले ठक्कर दिएर दुर्घटना भएको थियो । पोखरेलको कार दाड्गंको तुलसीपुरमा दुर्घटना भएको हो ।
कारमा सवार सबै सकुशल नै छन तर दुर्घटनामा घाईते भएका गौतमको टाउकोमा चोट लागेकोले केही टाँका लगाईएको छ । पोखरेल अस्ति मात्र काठमाडौबाट गृह जिल्ला दाडं गएका थिए ।
उनले केही दिन अगाडी मात्र नया गाड़ी लिएकोमा सोही गाड़ी नै दुर्घटना भएको हो । दुर्घटनाग्रस्त गाडीमा भने क्षती पुगेको छ ।
१२ जेष्ठ २०७८, बुधबार १९:५६ मा प्रकाशित
