पोखरा, पोखरा महानगरपालिका -२१ मट्टीखान नजिक भएको स्कुल बस दुर्घटनामा परि एक जनाको मृत्यु भएको र केहि घाईते भएको खबर छ। बिहान बिद्यार्थी लिन गएको एलपी देवकोटा मेमोरियल स्कुलको बस दुर्घटनामा परेको हो। बस दुर्घटनामा मृत्यु हुनेमा बिद्यालयकी कार्यालय सहयोगी आरती बिक रहेको प्रहरीले जनाएको छ ।

बस दुर्घटनामा परि घाइते भएका २१ जनाको पोखरा स्थित जीएमसी अस्पतालमा १४ जना, पश्चिमान्चल स्वास्थ्य बिज्ञान प्रतिष्ठानमा १२ जना र मणिपाल अस्पतालमा ३ जनाको उपचार भैरहेको पोखरा महानगरपालिकाका प्रमुख धनराज आचार्यले आफ्नो सामाजिक संजालमा समेत उल्लेख गरेका छन ।

बस बिहान  पोखरा -२१ राम्दी लगायतका क्षेत्रबाट बिद्यार्थी संकलन गरि पोखरा -१७  बिरौटा स्थित एलपी देवकोटा स्कुलमा आउने क्रममा दुर्घटना भएको थियो ।

पोखरा २१ फुस्रे खोला नजिकको बाटोबाट ४०/५० मिटर तल खसेर बस दुर्घटना भएको र बसमा सवार मध्ये २ जनाको अवस्था गम्भिर भएको घटनास्थल पुगेका संचारकर्मी प्रवेश पोख्रेलले जानकारी दिएका छन।

सडकको घुम्त बाट ३०/३५ मिटर तल खसेर दुर्घटना भएपछि स्थानीय बासिन्दा सहित त्यहा पुगेका सुरक्षाकर्मी हरुले घाइतेहरुको उद्वार गरेका थिए।