पोखरा, कास्की जिल्ला प्रहरी कार्यालयको सूचना अधिकारी बनेर सर्बसाधारण संग रकम माग गर्ने गरेको अभियोगमा प्रहरीले पोखरा -१६ बाटुलेचौर बस्ने २१ बर्षीय सुजित क्षेत्रीलाई पक्राउ गरेको जनाएको छ।

“म जिल्ला प्रहरी कार्यालयको सूचना अधिकारी हु, तपाईंहरुको केहि काम छ भने म गरिदिन्छु” भन्दै सर्बसाधारण संग उनले रकम माग गर्ने गरेको प्र्हरीले जनाएको छ । उनले  ह्वाट्सअप र टेलिग्रामबाट प्रहरी संग काम भएका सर्बसाधारणलाई सम्पर्क गरि रकम माग गर्ने गरेको बुहिएको छ।

उनलाई पोखराको लामाचौरबाट आइतबार पक्राउ गरि सार्बजनिक हित, स्वास्थ्य, सुरक्षा, सुबिधा र नैतिकता बिरुद्दको कसुरमा ५ दिन म्य्यद थप गरि अनुसन्धान प्रक्रिया अगाडी बढाइएको कास्कीका प्रहरी नायब उपरिक्षक एबम सूचना अधिकारी बसन्त कुमार शर्माले गुरुकुल खबरलाई जानकारी दिए ।