पोखरा, गणतन्त्रविरोधी अभियान्ता दुर्गा प्रसाईँको आन्दोलनविरुद्ध प्रहरीले धरपकट सुरु गरेको छ । उनको नागरिक बचाऊ अभियानले आज तीनकुनेमा कार्यक्रम गर्ने घोषणा गरेका थिए तर प्रहरीले उनलाई कार्यक्रमस्थलमा जान नदिई उनको भक्तपुर स्थित घरमै नजरबन्दमा राखेको छ ।

नेपाल प्रहरीको विशेष कार्यदल (एसटीएफ) को टोलीले अहिले दुर्गा प्रसाईँको घरलाई वरपरबाट घेरेको छ । उनका पक्षधर तीनकुने जाने तयारी गर्दै गर्दा दुई दर्जन भन्दा बढी पक्राउ परेका छन् । कतिपय खेतको बाटो भएर तीनकुने पुगेका छन् ।

हिजो प्रसाईँले बल्खुमा कार्यक्रम गरेका थिए । उनले आफ्नो आन्दोलन जारी रहने पनि बताएका छन् । उनको आन्दोलनलाई राप्रपा कार्यकर्ताले पनि सहभागी भई समर्थन गरेका छन् ।