पोखरा । गण्डकी प्रदेशको शुक्रबारको बैठकमा प्रदेशका बजेटका सिद्धान्त तथा प्राथमिकता प्रस्तुत गरिएको छ ।
प्रदेशका आर्थिक मामिलामन्त्री जितप्रकाश आलेले आर्थिक वर्ष २०८०/०८१ को बजेटका सिद्धान्त र प्राथमिकता प्रदेशसभामा प्रस्तुत गरेका हुन् ।
बजेटका सिद्धान्त र प्राथमिकता पेस गदै आलेले प्रदेश गौरवका आयोजना, रणनीतिक आयोजना पुराना कार्यक्रमलाई निरन्तरता दिने जानकारी गराए ।
बैठकमा मन्त्री आलेले आर्थिक विकास तथा गरिबी निवारणमा प्रत्यक्ष योगदान पुर्याउन उत्पादन मुलक र छिटो प्रतिफल प्राप्त गर्न सकिने आयोजना तथा कार्यक्रमहरुलाई प्राथमिकता दिने र अधुरा दायित्व सृजना भइसकेका आयोजनामा बजेटले प्राथमिकता दिइने बताए ।
सरकारले संभाब्यता अध्यन, बिस्तृत परियोनजा प्रतिवेदन, डिजाइन, जग्गा प्राप्ति, वातावरणीय प्रभाव मुल्याङकन सुनिश्चित भइसकेका र तत्काल ठेक्का सम्झौता हुन सक्ने आयोजनालाई प्राथमिकता दिइ बजेट बिनियोजना गरिने आलेले उल्लेख गरे ।
सहरी र ग्रामिण भुभाग जोड्ने एक भन्दा स्थानीय तहका केन्द्र जोड्ने सडक र प्रादेशीक र सहायक राजमार्गलाई बजेटमा प्राथमिकता दिने, पर्यटकको संख्यामा बृद्धि गर्न कार्यक्रम ल्याउने उल्लेख गरे ।
