काठमाडौँ,  अविरल बर्षापछि देशका विभिन्न भागमा आएको बाढी र पहिरोका कारण मुलुकको विभिन्न सातवटा राजमार्गमा सवारी आवागमन अवरुद्ध भएको छन नेपाल प्रहरीले दिएको जानकारी अनुसार शनिबार दिउँसो २ बजेसम्मको अद्यावधिक विवरण अनुसार ४ वटा राजमार्ग एकतर्फी रूपमा सञ्चालनमा रहेको र अन्य तीनवटा राजमार्ग पूर्ण रुपमा बन्द भएका छन ।

अविरल वर्षाका कारण संखुवासभास्थित कोशी राजमार्गमा पूर्णरूपमा अवरोध छ । त्यस्तै, पहिरोका कारण काभ्रेको बनेपा–नाला–भक्तपुर सडकखण्ड तथा सिन्धुपाल्चोकको अरनिको राजमार्ग अवरुद्ध छ ।

यसैगरी, बाढीका कारण डोल्पाको भेरी करिडोर र रुकुम पश्चिमको जाजरकोट डोल्पा भेरी करिडोर सडक खण्ड अवरुद्ध रहेको छ । जाजरकोटको मध्य पहाडी राजमार्ग र बाजुराको मार्तडी–कोल्टी कच्ची सडक अवरुद्ध रहेको प्रहरीको भनाई छ ।