शिर्षक – म घुमाउनेको पुल
- बिष्णुबहादुर अधिकारी
म घुमाउनेको पुल
के थियो मेरो भूल ?
गोविन्दराज आए ,रामचन्द्र आए
म त सधै झुलेको झुल्यै
म घुमाउनेको पुल
के थियो मेरो भूल ?
चुनाव आउँदा मलाई सम्झने
अरु बेला भूल
दशकौं बित्दा पनि बन्न नसकेको
म घुमाउनेको पुल ।
सुरेश आए ,शंकर आए
आए बहादुर झुल
चुनाव आउँदा सम्झने
अरु बेला भूल ।
हुरी जस्तै आए आशा ,किरण र कृष्णकुमार
सम्झना समेत भएन
पटक–पटक योजना आयोगको
कुर्सीमा बस्दा डा. जगदिशलाई समेत वास्ता भएन
म घुमाउनेको पुल
के थियो मेरो भूल ?
वाग्ले अनि कैनी पनि आए गए
उनको पनि भयो भूल
अझैसम्म बन्न नसकेको
म घुमाउनेको पुल
केन्द्रमा स्वर्णिम अनि प्रदीप, प्रदेशमा आले, श्रेष्ठ र चुमान
हेदैछु ,म घुमाउनेको पुल
चौरासीको चुनावको पखाईमा पनि
होला जस्तो छ ठूलो भुल
म घुमाउनेको पुल
के थियो भन्नु परयो मेरो भूल ।
- व्यास –१ ,गल्बुवेशी, तनहुँ
११ माघ २०८१, शुक्रबार १२:१० मा प्रकाशित