पोखरा, कास्कीको पोखराबाट कास्कीकै पर्यटकीय गाउँ घान्द्रुक जाँदै गरेको जीप दुर्घटना हुँदा एक जनाको निधन भएको छ भने अन्य छ जना घाइते भएका छन। पोखराबाट घान्द्रुक जाँदै गरेको जिप सडकबाट करिब ६०० मिटर तल खसेर दुर्घटना भएको सोहि वडाका वडाध्यक्ष गौतम गुरुङले जानकारी गुरुकुल खबरलाई जानकारी दिए ।
अन्नपूर्ण गाउँपालिका वडा न. १० घान्द्रुकको बतासे डांडामा जीप दुर्घटना भएको हो । दुर्घटनामा घाइते भएकाहरुलाई उपचारको लागि सिम्रिक एयरको हेलिकप्टरमार्फत पोखराको मणिपाल शिक्षण अस्पताल ल्याइएको छ ।
पोखराबाट घान्द्रुक जाँदै गरेको ग १ ज ६८२१ नम्बरको स्करपियो जीप आज बिहिबार दिउँसो दुर्घटनामा परेको हो।
घाइते मध्ये ४ जनाको सिम्रिक एयरमार्फत उद्धार गरेर उपचारका लागि मणिपाल शिक्षण अस्पताल ल्याइसकेको जिल्ला ट्राफिक कार्यालय कास्कीका सूचना अधिकारी शिवप्रसाद पाठकले जानकारी दिएका छन ।
स्करपियो दुर्घटना हुँदा गम्भीर घाइते भएका एक जना महिलाको मृत्य भएको एक स्थानीयले बताए । जीपमा सात जना सवार रहेको बताइएको छ।
