पोखरा, नेकपा (एमाले) स्थायी कमिटी सदस्य खगराज अधिकारीले प्रकृति र संस्कृति पर्यटन विकासको मुख्य आधार भएको बताएका छन। नेकपा (एमाले) पोखरा १७ द्धारा विभिन्न चाडपर्वको सन्दर्भमा आयोजित शुभकामना आदान प्रदान तथा चियापान कार्यक्रममा बोल्दै अधिकारीले यस्ता आधारको उपयोग गर्दै समृद्धिसंग जोड्नुपर्नेमा जोड दिए ।

गण्डकी प्रदेशका निवर्तमान मुख्यमन्त्री समेत रहेका अधिकारले प्राकृतिक सम्पदा र मौलिक संस्कृतिको संरक्षण तथा प्रचार प्रसारमा जोड दिंदै पर्यटकको आकर्षण बढाउनु पर्ने आवश्यकता समेत औंल्याए ।

भ्रष्टाचारी र सहकारीको वचत अपचलन गर्ने कुनै पनि व्यक्ति एमाले हुन नसक्ने बताउदै नेता अधिकारीले भने, त्यस्ता व्यक्तिलाई सरकार र सडकबाट होईन,संवैधानिक व्यवस्था अनुसार न्यायालयबाट नै कडा कारबाही हुनुपर्छ ।

एमाले पोखरा – १७ का कार्यवाहक वडाअध्यक्ष विक्रम गुरुङको अध्यक्षतामा भएको कार्यक्रममा वडा इन्चार्ज सुभाष ढुङ्गाना, नेपाली कांग्रेस वडा सभापति देवराज आचार्य लगायतले मुलुकको वर्तमान अवस्था र तिहारको महत्व माथि चर्चा गरेका थिए ।