पोखरा, पोखरा उद्योग बाणिज्य संघको आसन्न महाधिबेशनबाट नयाँ कार्यसमितिको लागि निर्बाचित हुने कार्यसमितिमा आठ जना निर्बिरोध भएका छन।
जस अनुसार संघको बरिष्ठ उपाध्यक्षमा उत्तममान बुद्दाचार्य, उद्योग तर्फको उपाध्यक्षमा दिनेश बाँस्तोला, बाणिज्य तर्फको उपाध्यक्षमा बलराम आचार्य, महासचिबमा शोभा गौतम र कोषाध्यक्षमा मनोज श्रेष्ठ रहेका छन। बाणिज्य तर्फको उपाध्यक्षमा उमेद्वारी दिएका रामेश्वर अधिकारीले उमेद्वारी फिर्ता लिएपछि बलराम आचार्य पनि निर्बिरोध भएका हुन
यसै गरि कार्यसमितिको सदस्यहरुमध्ये कर्पोरेट सदस्य तर्फ बन्दना केसी र राम कंडेल तथा औधोगिक सदस्यमा एक नारायण पौडेल पनि निर्बिरोध भएका छन।
संघको अध्यक्षमा भने हालका बरिष्ठ उपाध्यक्ष गोकर्ण कार्की र पूर्व महासचिब अर्जुन पोखरेल बीच प्रतिस्पर्धा हुँदै छ।
उपमहासचिव पदमा बालकृष्ण कोइराला र सुदीप प्रधानाङ्गको बीच प्रतिष्पर्धा हुने भएको छ यसबाहेक चारजना वस्तुगत संघ तर्फको सदस्य पदका लागि भने ७ जना प्रतिस्पर्धा हुने भएको छ ।
वस्तुगत तर्फबाट सदस्य पदका लागि दुर्गा बराल, नवीन नापित, पूर्णशोभा गुरुङ, पृथ्वीराज तिमिल्सिना, सूर्यराज घिमिरे (सुरेश), दीपेन्द्र कोइराला र लालप्रसाद ढकालले उम्मेदवारी दर्ता गराएका छन् ।
प्रत्यक्ष निर्वाचित हुने १० जना कार्यसमिति सदस्यका लागि पनि १४ जनाले उमेद्वारी दर्ता गराएका छन ।
कार्यसमिति सदस्यका निम्ति देवेन्द्र प्रजु, टीकाराम सुवेदी (माधव), ललितजंग कुँवर, भीम गौतम, प्रेमप्रसाद सुवेदी, सौगात थापा, यादवप्रसाद पोखरेल, जीवनप्रकाश श्रेष्ठ, दूधमान गुरुङ (आशीष), लेखनाथ सुवेदी, रामचन्द्र तिमिल्सिना, विष्णुप्रसाद तिमिल्सिन, विनोद केसी र प्रदीपराज राजभण्डारीले उमेद्वारी दर्ता गराएका छन।
