Play

पूर्णरुपमा अबरुद्द बनेको पृथ्वीराजमार्ग खुला, सवारी आवागमन सुचारु

गुरुकुल खबर


पोखरा । अविरल बर्षाका कारण पहिरो खसेपछि पोखरा – काठमाडौँ आवत जावत गर्ने पृथ्वीराजमार्ग पूर्णरुपमा अवरुद्ध भएकोमा भर्खरै मात्र खुलेको छ ।

तनहुँको म्याग्दे गाउँपालिका वडा नं. ६ मौरीओढारमा सडक माथिबाट लेदोसहितको पहिरो खसेपछि राजमार्ग अवरुद्व भएको जिल्ला प्रहरी कार्यालय तनहुँले जनाएको थियो ।

सडकमा अवरोध भएपछि पोखरातर्फ आउने र पोखरालगायतका ठाउँबाट अन्यत्र गन्तव्यमा हिँडेका सयौँ सवारीसाधान अलपत्र परेका थिए ।

डोजर सहितको प्रहरी टोली घटनास्थलमा पुगेको भएपनि पानी नरोकिएका कारण पहिरो पन्छाउन कठिन भएको डीएसपी दीपककुमार रायले बताएका थिए तर अहिले भने राजमार्गको पहिरो पन्छाएर सडक खुला गरिएको ट्राफिक प्रहरी (१०३ ) ले जनाएको छ ।

२७ असार २०८१, बुधबार ११:१० मा प्रकाशित
Nabintech