पोखरा, कास्की जिल्लाको पोखरा महानगरपालिका वडा नं. ३० शिसुवामा रहेको चक्रदेवी सहकारी संस्थामा तोडफोड गरेको आरोपमा प्रहरीले ९ जनालाई नियन्त्रणमा लिएको छ सहकारीका कर्मचारीहरुलाई धम्क्याएको, कागजपत्र हिनामिना गरेको, टेलीफोन र नेटको तार समेतमा क्षति पुर्याएको भन्दै उनीहरुलाई पक्राउ गरिएको प्रहरीले जनाएको छ

पक्राउ पर्नेहरुमा कास्कीको माछापुच्छ्रे गा.पा. ५ रिवान बस्ने बर्ष ३६ को प्रकाश बि.क., झापाको भद्रपुर न.पा.३ बस्ने वर्ष ४० को राजिव प्रसाई, कास्कीको पोखरा म.न.पा.२७ लेखनाथ वस्ने वर्ष ४२ को गणेश शाही, वर्ष २९ को समिन बि.क, वर्ष २७ को संजिप सुनार, वर्ष ५२ को यम ब.चौरेली र वर्ष ४९ की कृष्ण कुमारी चौरेलीका साथै रुपन्देही नगरपालिका – ११ घर बताउने वर्ष ४७ की कमला चन्द एबम नवलपरासी घर बताउने वर्ष ४२ की बिष्णु बोहरा रहेको कास्की प्रहरीले जनाएको छ