गण्डकीमा एमाले संसदीय दलका नेता अधिकारीलाई मुख्यमन्त्री नियुक्त गर्दा सभामुख कृष्णप्रसाद धिताललाई समेत गणना गरेको भन्दै नेपाली काँग्रेस संसदीय दलका नेता समेत रहेका निबर्तमान मुख्य मन्त्री सुरेन्द्रराज पाण्डे सर्वाच्च अदालत पुगेका थिए । कांग्रेस गण्डकीका संसदीय दलका नेता पाण्डेले असंवैधानिक तरिकाले मुख्यमन्त्री नियुक्त गरेको भन्दै प्रदेश प्रमुख डिल्लीराज भट्ट, मुख्यमन्त्री अधिकारी र सभामुख धिताललाई विपक्षी बनाइ चैत २७ गते रिट दायर गरेका थिए।
यस अगाडी बैशाख १० गते हेर्दाहेर्दैमा परेको उक्त रिट उपर बैशाख १७ गते सोमबार निर्णय दिने भनिएकोमा सोमबार अदालतले रिट नै खारेज गरिदिएको छ। रिट खारेजसँगै मुख्यमन्त्री अधिकारीले मन्त्रिपरिषद विस्तारसँगै विश्वासको मत लिने बाटो खुलेको छ।
यसअघि सर्वोच्च अदालतले अधिकारीलाई दीर्घकालीन निर्णय नगर्न अन्तरिम आदेश जारी गरेको थियो।
गण्डकीमा अधिकारीलाई मुख्यमन्त्री नियुक्त गर्दा एमाले, प्रदेशका सभामुख सहितको माओबादी केन्द्र र स्वतन्त्र सांसद राजीव गुरूङ ‘दीपक मनाङे’ ले समर्थन गरेका थिए।
