पोखरा, पोखरा महानगरपालिका वडा न ७ बुलौदीको ओरालो उकालो सडकमा शनिबार भएको मोटर साइकल दुर्घटनामा दुईजनाको मृत्यु भएको छ। लेकसाइडबाट जिरो किलोमिटरतर्फ आउदै गरेको बा प्र ०२-०३४ प ५६२१ नम्बरको बुलेट मोटरसाइकल बुलौदी सडकको डीभाईडरमा ठोकिएर दुर्घटना भएको थियो।

दुर्घटनामा कैलाली जिल्ला सोरहनपुर् गाउँपालिका-३ घर भएका २८ बर्षीय महेश आचार्यको टाउकोमा चोट लागेर गम्भीर घाइते भएकोमा उपचारको क्रममा ४.१५ बजे मृत्यु भएको थियो।

यसैगरि मोटरसाइकलमा यात्रा गरेका अर्का कैलाली जिल्लाको जानकी गाउँपालिका -३ घर भएका ३० बर्षीय शैलेन्द्रकुमार उपाध्यायको पनि उपचारको क्रममा ४.४५ बजे मृत्यु भएको प्रहरीले जनाएको छ मृतक दुवैजनाको टाउकोमा चोट लागेको बुझिएकोछ।

दुर्घटनाग्रस्त मोटरसाइकल प्रहरीको नियन्त्रणमा रहेको र मृतक दुवैको शब गण्डकी स्वास्थ बिज्ञान प्रतिस्थानमा राखिएको छ।