पोखरा, अभिनेता पल शाहको मुद्दा पुन: ब्युँतिएको छ । बलात्कारको अभियोग लागेका अभिनेता शाहलाई सफाइ दिने उच्च अदालत पोखराको फैसला सर्वोच्च अदालतले पुन: हेर्ने भएको हो ।

उच्च अदालतका तत्कालीन कायममुकायम मुख्य न्यायाधीश डिल्लीराज आचार्य र न्यायाधीश श्रीधराकुमारी पुडासैनीको संयुक्त इजलासले पल शाहलाई सफाइ दिएको थियो।

शाह सम्बन्धी प्रकरणमा फैसलाविरूद्ध महान्यायाधिवक्ताको कार्यालयले सर्वोच्च अदालतमा दोहोर्‍याएर हेरि पाउँ भन्दै निवेदन दिएको थियो।

उक्त निवेदनमा मंसिर २२ गते सुनुवाइ गर्दै न्यायाधीश सुष्मालता माथेमा र हरि फुयाँलको इजलासले उच्च अदालतको फैसला दोहोर्‍याएर हेर्न अनुमति दिएको हो।