पोखरा, बझाङमा एकपछि अर्को भूकम्प जाँदा घरहरुमा क्षति पुगेको छ । मंगलबार दिउँसो ३ बजेर ६ मिनेटमा बझाङको चैनपुर केन्द्रविन्दुआसपास बनाएर ६.३ म्याग्निच्युडको भूकम्प गएको राष्ट्रिय भूकम्प मापन तथा अनुसन्धान केन्द्रले जानकारी दिएको छ ।
भूकम्पको धक्का वरपरका जिल्लामा समेत महसुस भएको जनाइइएको छ । बझाङ जिल्लाभरि विभिन्न ठाउँमा घरहरू चर्किएको जानकारी आए पनि क्षतिको यकिन विवरण भने आउन बाँकी रहेको जिल्ला प्रहरी कार्यालय बझाङले जानकारी दिएको छ।
आजै दिउसो २ बजेर ४० मिनेट जाँदा बझाङकै तलकोट केन्द्रविन्दु भएर ५.३ म्याग्निच्युडको भूकम्प गएको थियो । पटक–पटक परकम्प गइरहेको हुनाले अहिले स्थानीय बासिन्दा घरबाहिर खुला चौरमा त्रसित अवस्थामा बसेका छन् ।
तस्बिर : साइपाल एफएम
१६ आश्विन २०८०, मंगलवार १६:२३ मा प्रकाशित
