पोखरा, नेपाली कांग्रेसका सहमहामन्त्री महेन्द्र यादवमाथि खुकुरी प्रहार गरिएको छ । बुधबार दिउँसो काठमाडौंको भृकुटीमण्डपस्थित रिपोर्टर्स क्लब बाहिर उनीमाथि आक्रमण भएको हो ।

उपचारका लागि उनलाई ट्रमा सेन्टरमा लगिएको छ। रिपोर्टस क्लबको कार्यक्रम सकेर बाहिर निस्केका पूर्वमन्त्री समेत रहेका यादवमाथि एक्कासी खुकुरी प्रहार भएको र उनको टाउकोमा चोट लागेको जनाइएको छ ।

यादवमाथि खुकुरी प्रहार गरेको आरोपमा एक जनालाई प्रहरीले पक्राउ गरेको र उनी नुवाकोट घर भएका श्यामबाबु सापकोटा भएको प्रहरीले जनाएको छ। उनले किन सहमहामन्त्री यादवमाथि सांघातिक आक्रमण गरेका हुन् भन्ने विषय भने खुल्न बाँकी छ ।