पोखरा, पोखरा ८ सिर्जना चोक स्थित एक होटलमा नाबालिका र महिलालाई यौन धन्दामा लगाएको आरोपमा एक महिलालाई प्रहरीले पक्राउ गरेको छ ।

यही साउन ६ गते नाबालिका तथा महिलालाई ललाई फकाई वेटरको राम्रो काम लगाईदिन्छु भनी विभिन्न प्रलोभनमा पारी बोलाएको र उनीहरुलाई यौनजन्य क्रियाकलापमा लगाउने गरेको भन्ने सूचनाको आधारमा प्रहरीले यो कार्वाही अगाडि बढाएको हो ।

वडा प्रहरी कार्यालय बैदाम कास्कीबाट खटिएको प्रहरी टोलिले यही साउन १९ गते गोर्खा पालुङटार स्थायी घर भई हाल पोखरा सिर्जना चोक स्थित खाजाघर संचालन गरी बस्ने वर्ष ६० की पार्वती काराखेतीलाई पक्राउ गरी कास्की जिल्ला अदालतमा मानव वेचबिखन तथा ओसार पसार सम्बन्धी कसुरमा अनुसन्धान प्रकृया अगाडी बढाइएको जिल्ला प्रहरी कार्यालय कास्कीका प्रहरी नायव उपरीक्षक श्रवणकुमार विकले जानकारी दिएका छन् ।