पोखरा, अनुचित लेनदेन (मिटरब्याज) सम्बन्धी ‘मुलुकी संहिता सम्बन्धी केही नेपाल ऐनलाई संशोधन गर्ने विधेयक, २०८०’ राष्ट्रपति रामचन्द्र पौडेलले शुक्रबार प्रमाणिकरण गरेका छन् ।

यस अघि नै दुवै सदनबाट पास भई प्रमाणीकरणका लागि शीतलनिवास पुगेको विधेयक राष्ट्रपति पौडेलले प्रमाणीकरण गरेको राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन् । यससँगै अब यो विधेयकले कानुनको रुप लिएको छ ।

राष्ट्रिय सभामा उत्पत्ति भएको यो विधेयक १५ असार २०८० मा पारित भएर राष्ट्रिय सभामा पुगेको थियो । ३१ असार २०८० मा प्रतिनिधिसभाले संशोधन सहित पारित गरेको विधेयकलाई १० साउनमा राष्ट्रिय सभाले सर्वसम्मत रुपमा ग्रहण गरेको थियो ।