पोखरा , नेपाली कांग्रेस पोखरा महानगर समिति वडा नं ९ कार्य समितिले ४० औ वि पी स्मृति दिवसको सन्दर्भमा सरसफाई र पुष्परोपण कार्यक्रम गर्ने भएको छ ।
नेपाली कांग्रेस कास्कीको बैठकमा जिल्ला भित्रका पालिका र वडा साथै क्षेत्रीय समिति लगायतले आफ्नो अनुकुल अनुसार वीपी स्मृति दिवसमा प्रवचन , सरसफाई , वृक्षारोपण, पुष्परोपण , अन्तरक्रिया लगायतका कार्यक्रम गर्न लगाउने बारेमा छलफल भएपनि जिल्ला समितिले पोखरा महानगर समितिलाई रक्तदान कार्यक्रम गर्न लगाउने र त्यसमा सबैले सहयोग गर्ने निर्णय गरेको बताईइएको छ ।
जिल्ला समितिले कुनै सर्कुलर नगरेपनि पोखराको वडा नं ९ कार्यसमितिले भने वीपी चोकमा सरसफाई र पुष्परोपण कार्यक्रम संचालन गर्ने भएको हो ।
वीपीको शालिक वरपर फोहर बढ्दै गएकोले त्यसको सरसफाई गर्दै सौन्दर्यकरण गर्ने प्रयास स्वरुप विपीको शालिक वरपर गमला राखेर सिजन अनुसारको फ़ुल राख्ने तयारी समेत गरिएको छ ।
सरसफाई र सौन्दर्यकरण अन्तर्गत गमला राख्ने र पुष्परोपण कार्यक्रम साउन ५ गते बिहिवार गरिने भएको हो । सोही वडाको वडाध्यक्षमा निर्वाचित नेपाली कांग्रेसका प्रदेश सभापति समेत रहेका दीपेन्द्र मर्सानीले पोखरा महानगर पालिकाको सहयोगमा गमला राख्ने र पुष्परोपण गर्ने गरि सौन्दर्यकरण कार्यक्रम गरिएको जानकारी दिएका छन ।
बिहिवार बिहान साढ़े सात बजे हुने कार्यक्रम कास्की कांग्रेसका सभापति किशोरदत्त बरालको प्रमुख आतिथ्यतामा हुने वडा कार्यसमितिका सभापति शिवराज बांस्तेलाले गुरुकुल खवरलाई जानकारी दिएका छन
