पोखरा, कास्कीको अन्नपुर्ण गाउँपालिका वाद न. ७ बाट पोखरामा आएर बसोबास गर्ने नागरिकहरुको लागि गाउँपालिकाले दिने सेवा सहज रुपमा उपलब्ध गराउने उद्देश्यका साथ पोखरा महानगरपालिका-१ सिम्पानीमा एकीकृत घुम्ती सेवा शिबिर सम्पन्न भएको छ सर्बसाधारण नागरिकको घरदैलोमै पुगेर सेवा दिने लक्षका साथ अन्नपूर्ण गाउँपालिकाको वडा नं. ७ ले पोखराको सिमपानीस्थित तान्चोक नौजे पंगीलामा समाजघरमा तिनदिनसम्म शिविर संचालन गरेको हो।
शिविरमा पुगेर अन्नपुर्ण गाउँपालिका वडा नं. ७ का र वडा नं. ६ का नागरिकहरूले सेवा लिएका थिए । तीन दिनसम्म सञ्चालित शिविरबाट १ लाख १५ हजार भूमि (मालपोत) कर संकलन भएको थियो सामाजिक सुरक्षा भत्ता सम्बन्धि २ सय ५६ वटा परिचयपत्र नवीकरण गरिएको उक्त शिविरबाट अन्य ११ वटा बिभिन्न सिफारिस सेवाग्राहीले लिएको सोही वडाबाट आएर पोखरामा बसोबास गर्ने अग्रज पत्रकार राजबहादुर गुरुङले गुरुकुल खबरलाई जानकारी दिए।
शहर केन्द्रित जीवनशैलीका कारण टाढा भएका ज्येष्ठ नागरिकहरुले बजारमा नै सेवा प्राप्त गरेको र पुराना आफन्तहरुलाई शिविर स्थलमा भेटेर सुख-दुःख साट्ने अवसर मिलेकोमा कतिपय खुसि देखिन्थे तान्चोक नौजे पंगीलामा परिवारका अध्यक्ष राजु गुरुडले दिएको जानकारी अनुसार कागजी प्रक्रिया र कर सङ्कलन मात्र नभई पुराना सम्बन्धहरूलाई पुनर्जीवित गराउन शिविर उपयोगी साबित भएको थियो
अन्नपूर्ण गाउँपालिका वडा नं. ७ का वडाध्यक्ष एबम गाउंपालिकाका प्रवक्ता भरतमान गुरुडले सेवा लिन दिनहुँ कार्यालय धाइरहनुपर्ने बाध्यतालाई अन्त्य गर्दै आगामी दिनमा पनि यस्ता जनमुखी र प्रभावकारी कामहरुलाई निरन्तरता दिईने बताए उनले शिविर सफल बनाउन सहयोग पुर्याउने सम्पूर्ण जनप्रतिनिधि, कर्मचारीसहित सबैमा आभार प्रकट गरे।
शिबिरमा सेवा लिन आउने सेवाग्राहीहरुलाई ब्यवस्थित किसिमले सेवा दिन तान्चोक नौजे पंगीलामा परिवारका सदस्यहरु स्वयंसेवकका रुपमा खटिएको कोषाध्यक्ष बिनोद गुरुडले जानकारी दिए । अघिल्ला बर्षहरुमा जस्तै यस पटक पनि शिबिर प्रभावकारी र ब्यवस्थित ढंगले संचालन गरिएको परिवारका सह-सचिब शान्ति कुमारी गुरुडले बताइन ।
