पोखरा, पोखरा महानगरपालिका -१३ काहुँखोला नजिकको एक खाजाघरबाट जुवातास खेल्दै गरेको अबस्थामा प्रहरीले १० जनालाई पक्राउ गरेको छ।
मंगलवार दिउँसो करिब ४ बजेको समयमाउक्त स्थानमा जुवातास खेलिरहेको भन्ने सूचनाको आधारमा कास्की जिल्ला प्रहरी कार्यालय मातहतको वडा प्रहरी कार्यालय रामबजार कास्कीबाट खटिएको प्रहरी टोलीले जुवातास खेल्ने र खेलाउने गरि १० जनालाई पक्राउ गरेको हो।
उनीहरुको साथबाट नगद रकम ७७ हजार १८० रुपैयाँ सहित पक्राउ गरेको कास्की प्रहरीका सूचना अधिकारी प्रहरी नायब उपरिक्षक हरिबहादुर बस्नेतले गुरुकुल खबरलाई जानकारी दिए ।
पक्राउ परेकाहरुलाई जिल्ला प्रशासन कार्यालय कास्कीबाट सार्वजनिक हित, स्वास्थ्य, सुरक्षा, सुविधा र नैतिकता बिरुद्धको कसूर अन्तर्गत जुवा खेल्न वा सट्टेवाजी गर्न नहुने मुद्दामा सात दिनको म्याद थप गरी अनुसन्धान प्रकृया अगाडी बढाईएको समेत उनले बताए ।
