काठमाडौँ, पेट्रोलियम पदार्थको मूल्यवृद्धिको विरोधमा युवाले काठमाडौंको माइतीघरमा प्रदर्शन गरेका छन् । पेट्रोलियम पदार्थको मूल्यवृद्धिका कारण दैनिक उपभोग्य वस्तुको समेत भाउ बढ्न सक्ने भन्दै शनिबार (चैत २१) उनीहरूले विरोध प्रदर्शन गरेका हुन् । उनीहरूले ‘महँगीको मार बन्द गर’, ‘पेट्रोल कर कम गर’, ‘मूल्य घटाएर जनतालाई राहत देऊ’, ‘पेट्रोलमा कर खारेज गर’ लगायात नारा लेखिएका प्लेकार्ड प्रदर्शन गरेका थिए ।
राष्ट्रिय जेनजी नागरिक अभियान र कुशासनविरुद्धको महाअभियानको आयोजनामा गरिएको प्रदर्शनका सहभागीले हाल पेट्रोलमा लगाइँदै आएको विभिन्न कर खारेज गरेर मूल्य घटाउनुपर्नेमा जोड दिएका थिए ।
यस अगाडी बर्तमान प्रधानमन्त्री बालेन्द्र शाह काठमाडौँ महानगरपालिकाको प्रमुख रहेको बेला ‘भारतबाट तेलको मूल्य बढ्यो भन्दैमा नेपालमा बढाउन नहुने भन्दै जनतालाई राहत दिनु सरकारको कर्तब्य भित्र परेको उल्लेख गरेका थिए। उनले यस्तै महंगी भैरहने हो भने सरकारको काम के भन्दै प्रश्न गरेकोमा यस पटक यस्ता प्रश्नहरु प्रम बालेन्द्र तिर नै सोझिएका छन ।
