काठमाडौँ,  गैरआवासीय नेपाली संघ (एनआरएनए)को अध्यक्षमा हेमराज शर्मालाई चयन गर्ने सहमति भएको छ । अध्यक्षमा उम्मेदवारी दिएका रोबिन शेरचन र रबिन बज्राचार्यले उमेदवारी फिर्ता लिएपछि शर्माको नाममा सहमति भएको बताइएको छ । अध्यक्षका लागि शर्माका अलावा रोबिन शेरचन र रबिन बज्राचार्यले उम्मेदवारी दिएका थिए । निर्वाचन समितिले सबै पदको नतिजा एकै पटक सार्वजनिक गर्ने जनाएको छ ।

एनआरएन निर्वाचन समितिका अनुसार आजै कार्यसमितिको सबै विवरण सार्वजनिक गरिनेछ । सहमतिका आधारमा कार्यसमिति चयन गर्न लागिएको कारण मतदान भने नहुने बताइएको छ । प्रधानमन्त्री सुशीला कार्कीको प्रमुख आतिथ्यतामा समापन समारोह आयोजना गरिएको र सोहि समारोहमा कार्यसमिति घोषणा गरिने सम्भावना रहेको बुझिएको छ  । शनिबारदेखि सुरु भएको एनआरएनए १२ औं अधिवेशन आज सम्पन्न हुँदैछ ।