पोखरा, शिक्षा, विज्ञान तथा प्रविधि मन्त्री विद्या भट्टराईले बिद्यालयमा दिवा खाजाको रुपमा उपलब्ध गराईने पोषण युक्त खाजालाइ स्थानिय उत्पादनसंग जोड्नको लागि अध्ययन गर्नको लागि समिति गठन गर्ने निर्णय गरेकी छन।
मन्त्रालयमा पदभार ग्रहण गरेपछि मन्त्री भट्टराईले विद्यार्थीलाई दिइने दिवा खाजालाई स्थानीय उत्पादनसँग जोड्नका लागि अध्ययन गर्न समिति गठन गरेकी हुन ।
प्रारम्भिक बाल विकासदेखि ५ कक्षासम्मका विद्यार्थीहरूलाई दिइने दिवाखाजा कार्यक्रमलाई स्थानीय कृषि उत्पादनसँग जोड्ने प्रारूप तयार गर्न समिति गठन गर्ने निर्णयमा उनले पहिलो हस्ताक्षर गरेकी हुन् ।
खाजाको रुपमा विभिन्न बिद्यालयले चाउचाउ, बिस्कुट लगायतका फास्ट फूड प्रयोगमा आउन थालेपछि स्थानीय समुदायको तर्फबाट आलोचना समेत हुन लागेको कुरालाई मध्यनजर गरि मन्त्रि भट्टराईले उक्त निर्णय गरेकी हुन।
शिक्षा मन्त्रालयका साथै कृषि मन्त्रालय, स्वास्थ्य मन्त्रालय र योजना आयोगका प्रतिनिधिहरू सहभागी हुने समितिले स्थानीय कृषि उत्पादनलाई दिवाखाजामा जोड्न राष्ट्रिय प्रारूप तयार गर्ने छ ।
