पोखरा, पोखरा महानगरपालिका -२३ चापाकोटका अग्रज सामाजिक कार्यकर्ता पूर्ण बहादुर थापाको ८८ बर्षको उमेरमा हालै निधन भएको छ। १९९३ सालको मङ्सिर १३ गते जन्मिएका थापाको येही बैशाख ३ गते निधन भएको हो ।

तत्कालिन चापाकोट गाउँ पंचायतको सचिब समेत रहेर काम गरेका थापा २०३० को दशकमा गाउँ पंचायतको प्रधानपंचको उमेद्वार समेत बनेका थिए।

तर २०३६ सालमा भएको जनमत संग्रहताका उनि बहुदलको पक्षमा वा नेपाली काँग्रेसको पक्षमा लागेपछि उनि निरन्तर नेपाली काँग्रेसको क्रियाशील सदस्य रहेका थिए।

सरल स्वभाव र इमान्दार व्यक्तिको रुपमा उनि सबैमाझ परिचित थिए । थापाले २०३५ सालतिर फेवाताल जलाधार सम्रक्षण आयोजना शुरु भएपछि सोहि आयोजना अन्तर्गत संचालित बाम्दी नर्सरीको रेखदेख गर्ने मुख्य व्यक्तिको रुपमा लामो समय काम गरेका चापाकोट गाबिसका पुर्ब अध्यक्ष समेत रहेका नेपाली काँग्रेस गण्डकी प्रदेशका आमन्त्रित सदस्य भेषराज पराजुलीले गुरुकुल खबरलाई जानकारी दिए ।

स्व थापाका एक श्रीमती मोतीकुमारी थापा सहित ४ छोरा र ५ छोरी रहेकोमा जेठा छोरा रमेश थापाको पहिले नै मृत्यु भैसकेको छ भने संहिला छोरा जगत थापा हाल सम्पर्क बाहिर रहेको बताईन्छ।

महिला छोरा समिर थापा पोखरामा एजुकेसनल कन्सल्टेन्सी संचालन गर्छन भने कान्छा हेल बहादुर थापा पनि बैदेशिक रोजगारीमा छन।

छोरीहरुमा जेठी खिममाया थापा स्थानीय चापाकोट प्राबिको प्रधानाध्यापकको रुपमा कार्यरत छिन यसैगरी कान्छी छोरी रत्ना थापा पामे स्थित ग्लोबल आइएमई बैंकमा शाखा प्रबन्धकको रुपमा कार्यरत छिन अन्य छोरीहरु पवित्रा थोपा, गीता थापा, र सिर्जना थापा रहेका छन ।