पोखरा, कोशी प्रदेशमा सभामूख बनाइएका इस्राइल मन्सुरी समेतको मतका आधारमा मुख्यमन्त्री  उद्धव थापाले विश्वासको मत पाएका छन् ।बैठकको अध्यक्षता गरेका कांग्रेस सांसद इस्राइल मन्सुरीले पनि मतदान गरेर बहुमत पुर्याइएको हो।

सोमबार विश्वासको मत लिन आयोजित प्रदेश सभा बैठकमा कूल उपस्थिति ७७ जना मध्ये ४७ जनाले थापाको पक्षमा मतदान गरेका थिए । जुन प्रदेश सभा सदस्य संख्या ९३ को बहुमत हो । विपक्षमा ३० मत परेको थियो ।

तर नेकपा एमाले लगायतका विपक्षी दलले सभामुखको समेत मत प्रयोग गरी बहुमत पुर्याउनु असंवैधानिक भन्दै विरोध प्रकट गरेको छ । यसअघि पनि सभामुखको मतले मुख्यमन्त्री बनेका उद्धव थापाको सरकारलाई अदालतले बदर गरिदिएको थियो ।