पोखरा, प्रधानमन्त्री पुष्पकमल दाहाल प्रचण्डकी धर्मपत्नी सीता दाहालको उपचारको क्रममा बुधबार निधन भएको छ । बिहान ८ बजेर ३३ मिनेटमा नर्भिक अस्पतालमा उनको निधन भएको अस्पतालले जनाएको छ । उनी लामो समयदेखि पार्किन्सन रोगबाट पीडित थिइन् ।

नर्भिक अस्पताल थापाथलीका प्राध्यापक डाक्टर युवराज शर्माले दिएको जानकारी अनुसार प्रधानमन्त्री पत्नी सीता दाहालको शरीरमा अक्सिजनको मात्रा घटेपछि उपचारका लागि उनलाई बुधबार बिहान नर्भिक पुर्याइएको थियो ।

उनको पार्थिव शरीर बिहान ११ बजेदेखि १ बजेसम्म पार्टी कार्यालयमा राखिने र आजै दिउँसो २ बजे पशुपति आर्यघाटमा अन्त्येष्टि गरिने प्रधानमन्त्री प्रचण्डको सचिवालयले उल्लेख गरेको छ । शीर्ष नेता र उच्च अधिकारीहरु प्रधानमन्त्री प्रचण्डलाई समवेदना दिन अस्पताल पुगेका थिए ।