काठमाडौँ । नेपाली काँग्रेसका सभापति एबम पुर्ब प्रधानमन्त्री शेरबहादुर देउवाले डिजिटल प्लेटफर्ममा देखिएका चुनौतीको उपयुक्त समाधान खोज्दै नागरिकलाई  डिजिटल प्लेटफर्मका कारण असुरक्षित हुने अबस्था आउन नदिन सरकार र सरोकारवाला निकायहरूले ध्यान दिन आवश्यक रहेको बताएका छन् ।

नेपाली कांग्रेस सूचना, सञ्चार तथा प्रचार विभागले बिहिबार काठमाडौँमा आयोजना गरेको ‘डिजिटल प्लेटफर्मको प्रयोग, प्रभाव र असर’ विषयक अन्तरक्रिया कार्यक्रमको उद्घाटन गर्दै देउवाले सबै मिलेर प्रविधिमैत्री, नवप्रवर्तनशील  र समृद्ध डिजिटल नेपाल निर्माणमा लाग्नुपर्ने बेला आएको बताए उनले डिजिटल प्लेटफर्मले कामलाई सहजता र तीव्रता दिनकासाथै विश्वसँग जोडिने अवसरहरू प्रदान गर्ने बिश्वास ब्यक्त गरे ।

यसै सन्दर्भमा उनले डिजिटल प्लेटफर्मको सकारात्मक पक्ष हुँदाहुँदै पनि कतिपय कुराहरूमा यसले नकारात्मक असर समेत पुर्याएको कारण डिजिटल प्लेटफर्ममा देखिएका नागरिक असुरक्षित हुने समस्याहरूको समाधानका लागि सरकार र सरोकारवाला निकायहरूले समयमै ध्यान दिन आवश्यक रहेको उल्लेख गरे।