पोखरा, पोखरा महानगरपालिका -२६ भट्टेथर घर भएका नेपाली काँग्रेसका सदस्य चन्द्रबहादुर राजभाटको निधन भएको छ । राजभाटको ६४ बर्षको उमेरमा शनिबार निधन भएको हो ।

नेपाली काँग्रेस पोखरा महानगरपालिका -२६ का सभापति शिबबहादुर रानाभाटका अनुसार राजभाटका छोराहरु महेश्वर राजभाट र प्रदिप राजभाट दुवैजना नेपाली काँग्रेसका क्रियाशील सदस्य हुन्।

यसैबीच नेपाली काँग्रेस पोखरा महानगरपालिका -२६ कार्यसमितिका सभापति शिबबहादुर रानाभाटले चन्द्रबहादुर राजभाटको निधनले एक कुशल सामाजिक एबम राजनीतिक कार्यकर्ता गुमेको र नेपाली कांग्रेसलाई समेत क्षती पुगेको बताएका छन।

कांग्रेसका वडा सभापति रानाभाटले छोराहरु महेश्वर र प्रदिप तथा बुहारीहरू सिता र कमला सहित परिवारजन प्रति समबेदना पनि प्रकट गरेका छन ।

स्थानीय कांग्रेस नेता गिरिराज गौतमका अनुसार मिलनसार र इमान्दार तथा सरल स्वभावका चन्द्रबहादुरले लामो समय पृथ्वीराजमार्ग बस संचालक समितिमा कर्मचारीको रुपमा काम गरेका थिए।

राजभाटको शनिबार पोखराको रामघाटमा अन्त्येष्टि गरिएको थियो। उनको शबमा नेपाली कांग्रेस कास्कीका पूर्व सभापति एबम पूर्व मन्त्री यज्ञबहादुर थापा र कांग्रेस महाधिबेशन प्रतिनिधि गिरिराज गौतमले पार्टीको झण्डा ओढाएर अन्तिम श्रद्दान्जली प्रकट गरेका थिए ।