पोखरा, पोखरा महानगरपालिका वडा नं. १७ बिरौटामा सञ्चालन हुन लागेको ऐतिहासिक श्री गण्डकी शतकुण्डीय गायत्री कोटिहोम विराट ज्ञान महायज्ञमा धार्मिक व्यक्तित्वहरुले कथा बाचनगर्ने क्रम शुक्रबार बाट शुरु हुँदै छ ।
यसक्रममा महायज्ञमा पहिलो कथा प्रवचनका लागि विश्वकै कान्छी भागवतवाचिका अनुराधा पाण्डेय भारतबाट काठमाडौँ हुँदै बिहिबार पोखरा आएकी छन। बिहिबार साँझ उनि पोखरा बिमानस्थलमा अवतरण भएकी छन ।
बालविदूषी अनुराधा पाण्डेयले कोटिहोम महायज्ञमा यहि चैत्र २९ गते शुक्रबारबाट केहि दिन कथा प्रवचन गर्ने कार्यक्रम तय भएको आयोजक मानव सेवा फाउण्डेसन नेपाल, कास्की शाखाले जानकारी दिएको छ । शुक्रबार बिहान ११ बजेबाट उनको प्रवचन शुरु हुने बताइएको छ ।
मानव सेवा फाउण्डेशनका अनुसार बैशाख १७ गतेदेखि सञ्चालन हुने कोटिहोम महायज्ञ अन्तर्गत अहिले प्रचार प्रसारका कामहरु अगाडी बढेका छन महायज्ञको लागि मूल समिति र विभिन्न उपसमितिहरु समेत गठन गरि जिम्मेवारी तोकिएको छ ।
पोखरामा हुन लागेको कोटीहोम महायज्ञमा नेपाल र भारतका प्रख्यात धर्मगुरुहरु आएर कथाबाचन गर्ने एबम कोटीहोमका भक्तजनलाई आशिर्बचन दिने कार्यक्रम रहेको छ।
