काठमाडौं, पृथ्वीराजमार्गको तनहुँस्थित आँबुखैरेनी गाउँपालिका वडा न. १ सत्रसयमा शुक्रबार दिउँसो करिब चार बजे यात्रु बस दुर्घटना हुँदा एक व्यक्तिको मृत्यु भएको छ भने तेह्र जना घाइते भएका छन ।

दमौलीबाट आँबुखैरेनी जाँदै गरेको यात्रु बस अनियन्त्रित भई कल्भर्टमा ठोक्किएर पल्टिएको थियो । मृत्यु हुनेमा चितवनको भरतपुर महानगरपालिका घर भएकी २२ बर्षीय सुमिना सापकोटा रहेको प्रहरीले जनाएको छ।

घाइते भएका विभिन्न जिल्लाका १३ जनालाई उपचारका लागि अस्पतालमा पठाइएको र घटनाबारेमा प्रहरीले अनुसन्धान गर्दै रहेको बुझिएको छ ।