पोखरा, सार्बजनिक यातायात ब्यबसायीहरुले विभिन्न माग राखेर शुरु गरेको आन्दोलनका कारण पोखराको पृथ्वीचोक क्षेत्रमा तनाबपूर्ण बाताबरण सिर्जना भएको छ ।

मुख्य गरि रातो प्लेटका दुई पांग्रे र चार पांग्रे सवारी साधनले राईड शेयारिंग सेवा संचालन गरेको बिरोधमा यातायात ब्यबसायीहरु बिरोधमा उत्रिएका हुन । उनीहरुले आइतबार सम्म आफ्नो माग पुरा नभए आन्दोलन शुरु गर्ने र सार्बजनिक यातायात नै ठप्प पार्ने चेतावनी यस अगाडी नै दिएका थिए।

यसै क्रममा राइड शेयरिङ विरुद्ध आन्दोलनमा उत्रिएका सार्वजनिक यातायातका चालक र सहचालकहरूले पोखराको  पृथ्वीचोकमा ग २० प  ३९७३ को स्कुटर तोडफोड गरेको समाचार छ ।

संचारकर्मी बिना थापा र सुरज थापा माथि दुर्व्यवहार गर्दै सार्वजनिक सवारीका चालकहरूले सुरज थापाको स्कुटरमा तोडफोड गरेको बताइएको छ।

आन्दोलनरत पक्षले पत्रकार र अन्य सर्वसाधारणमाथि पनि दुर्व्यवहार र हुलहुज्जत गरिरहेको तर स्थानीय क्षेत्रमा रहेका प्रहरी सुरक्षाकर्मी समेत मुकदर्शक बनेको बताइएको छ ।