पोखरा, नेपाली काँग्रेसका केन्द्रीय सदस्य तथा युवा नेता नैनसिंह महरले संसदको बैठकबाट जनसरोकारका घटना उपर संसदीय समिति बनाउन पाउने संसदको विशेषाधिकारलाई बर्तमान सरकारले बन्धक बनाएको टिप्पणी गरेका छन।

सरकारले संसद बैठक अन्त्य गरेको बिषयलाई लिएर सामाजिक संजाल फेसबुकमा आफ्नो प्रतिक्रिया सार्बजनिक गर्दै महरले भनेका छन। “अलोकतान्त्रिक तरिकाले संसदको चालु अधिवेशन अन्त्य गर्दै सहकारी ठगहरुमाथि छानबीन गर्न संसदीय समिति बनाउने कुराबाट सरकार भागेको घटनाले आज फेरी ओली नेतृत्वको नेकपा सरकारको समयका “काण्डै- काण्ड” र ” महाकाण्ड” को स्मरण गराएको छ।”

महरले भनेका छन, “कांग्रेस सहितका विपक्षी दलहरुले लाखौं जनताले सहकारीमा जम्मा गरेको अर्बौं रकम हिनामिना र ठगिमा सरकारमा रहेका केहि मन्त्री र सरकारमा संलग्न दलहरुका केही प्रभावशाली नेताहरु संलग्न रहेको छर्लङ्ग छ । यस्तो जनविरोधी र अपराधजन्य कार्य जुन जनसरोकारका घटना  समेत हो , यस उपर संसदीय समिति बनाउन पाउने संसदको बिशेषाधिकारलाई बन्धक बनाएर पुन देशलाई असंवैधानिक तवरले अध्यादेश मार्फत चलाउन खोज्नु लोकतान्त्रिक पद्दतिको उपहास हो।”

हिजो केपी ओली नेतृत्वमा नेकपा सरकार हुदा अध्यादेशको खिलापमा ,सार्वभौम संसदको अधिकारका लागि सडक धर्ना दिने पुष्पकमल दहाल र माधव नेपाल लगायतका नेताहरुको यो तस्वीरले द्वैध चरित्र देखाउदैन र ?  महरले प्रचण्ड र नेपालको तस्बिर समेत राखेर आफ्नो प्रश्न सहितको प्रतिक्रिया सार्बजनिक गरेल्का छन्।